Зеренді ауданы әкімдігінің "Игілік орта мектебі" коммуналдық мемлекеттік мекемесі
Коммунальное государственное учреждение "Игликская средняя школа" акимата Зерендинского района

Мы в соц.сетях

     

Список организаций

Галерея

Смотреть все>>>

Статья: "Ұстаз-еңбегімен ардақты"

19.11.2020

Ұстаз – еңбегімен ардақты.

 

Ұстаздықтың жолын мен де таңдадым,

Тәрбиенің көзі деп те санадым

Халық жүгін көтеруге қашанда,

Үлесімді қосуға да жарадым.

        Ұстаз-ұлы тұлға, ұлы есім. Әр ұстаз «Әлемге мұғалім болып жіберілген» Мұхаммед Пайғамбардың салып кеткен сара да дара жолының мұрагері, әлемнің екінші ұстазы - Әл-Фараби бабамыздың ізбасары, ағартушылық қызметтің өшпес жұлдыздары – Ыбырай, Абай, Ахметтің ұрпағы және еліміздің ертеңі жарқын болашағы-бүгінгі жастардың тәлімгері.

Әр халықтың тілімен сол елдің салт-дәстүрі, мәдениеті мен тәрбиесі сол ұлт өкілінің бойына дариды. Тілімен бірге ұлтының барлық қадір-қасиетін білеміз, танимыз. Ана тілін арына балап, өзінің саналы ғұмырын мемлекеттік тілді шәкірттеріне үйретуге арнап, үнемі ізденушілікпен келе жатқан Игілік орта мектебінің ұлағатты ұстазы Муталлапова Қымбат Орынбайқызы.

Қымбат Орынбайқызының шәкірттері жыл сайын пәндік олимпиадалардың жеңімпаздары атанып, Ұлттық бірыңғай тестілеуден жақсы көрсеткіштер көрсетуде.         Сонымен қатар «Жарқын болашақ», «Абай оқуы», «Махамбет оқуы» сайыстарының жүлделі орын иегерлері.

Тәуелсіз ел тірегі – білімді ұрпақ десек, жаңа дәуірдің күн тәртібінде тұрған келелі мәселе – білім беру, ғылымды дамыту, өркениет біткеннің өзегі, білім, ғылым, тәрбие екендігіне ешкімнің таласы жоқ. А.Байтұрсыновтың «Мектеп керектері» еңбегінде былай делінген: «...Мұғалім қандай болса, мектеп һәм осындай болмақшы. Яғни, мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі – білімді, педагогика әдістемеден хабардар, жақсы оқыта білетін мұғалім». Ұлы ұстаздың осы сөздерінің дәлелі ретінде Қымбат Орынбайқызының білім беру жолындағы ерең еңбегін атап өтпеуге болмас. 2018-2019 оқу жылында республикалық семинарға қатысты. 9,10-сыныптар оқулықтарының авторларымен кездесіп, оқулық талқылау, талдау жұмыстарына атсалысты.  Жыл сайын Республикалық «Ақбота»  марафонына  оқушылары қатысып жүлделі орны, сертификат иегерлері атанады. Ғылыми-зерттеу жұмыстары бойынша облыстық байқаудан жүлделі бірінші орынмен оралды.

Білім берудің ұлттық моделіне көшкен қазіргі мектепке ойшыл, зерттеуші, жаттандылықтан аулақ, практикалық қызметте педагогикалық үйлестіруді шебер меңгерген психолог – педагогтік диагностика қоя білетін іскер мұғалім керек. Осы мұғалім бейнесі Қымбат Орынбайқызының бойынан табылады, өткізген шараларының арқасында балалар жаңа мағлұматтарды тез есте сақтап алады. Сабаққа деген қызығушылықтарын арттыру мақсатында сабақтарында көптеген әдістерді тиімді пайдаланып, ұтымды ұйымдастырып,  үнемі ізденіс үстінде жүретін ұстаз.

«Ұстаз тумысынан өзіне айтылғанның бәрін жетік түсінген, көрген, естіген және аңғарған нәрселерінің бәрін жадында сақтайтын, олардың ешбірін ұмытпайтын, алғыр да зерек ақыл иесі, өте шешен, өнер-білімге құштар, аса қанағатшыл, жаны таза және әділ, жұртқа жақсылық жасап, үлгі көрсететін, қорқу мен жасқануды білмейтін батыл, ержүрек болуы керек» — деп, шығыстың ұлы ойшылы Әбу Насыр әл Фараби ұстаз болмысын айқындаған екен. Олай болса, жауапкершілігі шексіз, қадірі мол мамандық иесі Қымбат Орынбайқызының ұрпаққа білім мен тәрбие берудегі алар орны биік.Еңбегі еленіп, аудандық, облыстық білім басқармасынан «Құрмет грамотасын», аудандық әкімнен «Мадақтау қағазын алды. Аудандық «Ауылдың үздік ұстазы» сайысының жүлдегері атанды. Ұстаз – еңбегімен ардақты.

қазіргі заманға сай технологияларды пайдаланып, баланың жүрегіне әсер

ететіндей етіп өткізеді. Осындай ұстаздар қатары көбейе берсе, білім алып

жатқан балаларымыздың оқуға қызығушылықтары әрі қарай артады деп

ойлаймыз. Ол оқытқан балаларымыз қазақ халқының іргесін ешқашан

ыдыратпай, тілімізді, әдет – ғұрпымызды мақтан ететін болады. Болашақта

да көптеген жақсы жұмыстарының куәсі болып жүруімізге жазс

 

 

Мақала авторы: Муталлапова Д.К

Просмотров: 4

Приложения:



Добавить комментарий



Включить данные в подпись

Текст